LLH – Lesbaid, homofiillaid, bifiillaid ja tránsaolbmuid riikkasearvi bargá ovttadássáasšvuođa ovdii ja lesbaid, homofiillaid,
bifiillaid ja tránsaolbmuid (lhbt-olbmuid) juohkelágan vealaheami vuostá Norggas ja máilmmis muđui.
Mii geahččalit buoridit buot unnitloguid suodjaleami vealaheami vuostái, ja dan ala ahte politiijat galget čuovvolit vašševuđot vearredaguid
albma láhkai.
Mii juohkit dieđuid lhbt-olbmuid birra eiseválddiide ja politihkáriidda, bearašsuodjaluskontuvttaide ja dearvvašvuođalágádussii. Mii
geavahit mediaid viššalit go gilvit dieđuid álbmogii, ja min ollu fylkkasearvvit ja báikkálaš searvvit čađahit diehtohuohkinbarggu
skuvllain ja universitehtain.
Dasto vuosttidit mii lhbt-olbmuid vealaheami ja doarradallama máilmmis muđuid barggadettiineamet ovttasráđiid báikkálaš lhbt-organisašuvnnaiguin
earret eará Nuorta-Afrihkás ja Lulle-Ásias, ja eará organisašuvnnaiguin Norggas.
Min fylkkasearvvit ja báikkálaš searvvit barget dan ala ahte buot lhbt-olbmuin miehtá riikka galget leat oadjebas deaivvadanbáikkit ja olbmot
geaiguin sii sáhttet háleštit go sii dan dárbbašit. Buot searvvit dollet čoahkkimiid gosa sii ge leat buresboahtin geat eai
leat miellahtut. Ollu searvvit jođihit kafeaid, doaibmajoavkkuid, váhnenfierpmádagaid, valaštallanservviid ja lágidit feasttaid
ja festiválaid.
Váldokontuvrrasteamet Oslos barget organisašuvnna jođiheaddji, organisašuvdnarávvejeaddji, miellahttočálli, juridihkalaš rávvejeaddji ja gulahallanrávvejeaddji.
Dan lassin lea sosionoma ja riikkaidgaskasaš rávvejeaddji bálkáhuvvon sierranas prošeavttaide.
Mis leat sullii 2300 miellahtu, muhto ollu eanebut geavahit min fálaldagaid. Mii veahkehit buot lhbt-olbmuid geat ožžot váttisvuođaid iežaset
seksuálalaš soju geažil dahje sohkabealleidentitehta geažil, ja buohkaide sávvat buresboahtima iežamet lágidemiide. Jus don
háliidat váikkuhit dasa ahte fálaldat bisuhuvvo, de dieđit iežat miellahttun!