Leat go lesbain, homofiillain, bifiillain ja tránsaolbmuin seamma vuoigatvuođat go buohkain earáin geat ásset Norggas?
Oktasaš náittusvuođalága ásaheapmi ođđajagimánu 1.b. 2009 lei dehálaš dáhpáhus. Dalle besse ovttasohkabealagat náitalit seamma láhkai go dat geat
eai lean seamma sohkabealis, tránsasohkabealagat eai dárbbašan šat earránit ja čađahit beallášvuođa juridihkalaš sohkabeali
rievdademiin, ja lesbapárat ožžo vuoigatvuođa veahkehuvvon sahkkeheapmái seamma láhkai go heterofiila párat ge.
Muhto ain váilu ollu: De eai leat vuos buot formála vuoigatvuođat sajis. Olggobealde bargoeallima ja ássanguovllu lea lesbain, homofiillain ja
bifiillain hui uhccán suodjalus vealaheami vuostá. Fástadoaktárat sáhttet jus háliidit biehttalit lágideames nissoniid veahkehuvvon
sahkkeheapmái, dušše sin sohkabeallásaš soju geažil.
Dan lassin lea ieš dat čađaheapmi: Formála vuoigatvuođain ii leat olus ávki jus dat eai lea duođat ovttaskas olbmui. Dalle lea erenoamáš rašis dilis albma vealahansuodjalusa
haga. Ovdamearkka dihtii leat oahppit ja studeanttat dušše suodjaluvvon vealaheami vuostá oppalaš mearrádusaid bokte ahte
galgá leat buorre psykososiála biras oahppobáikkis, muhto almmá beaktilis giehtaguššanmekanismmaid haga. Sin duohta suodjalus
lea rašši dahje ii oppa leat ge. Dát lea dilli erenoamážit priváhta oahppobáikkiin.
LLH bargá dan ala ahte lesbain, homofiillain, bifiillain ja tránsaolbmuin galget leat seamma vuoigatvuođat go earáin, eai dušše formálalaččat, muhto
maiddái duohtavuođas. Dan mii dahkat iešguđet láhkai, earret eará dan láhkai ahte mii leat aktiiva median ja čađahit feaskkirdoaimmaid.
Mii geavahit maiddái máŋga juridihkalaš váikkuhangaskaoami nugo veahki ovttaskas olbmuide prinsihppaáššiin, čállit gulaskuddancealkámušaid
ja raporttaid ON olmmošvuoigatvuođaorgánaide. Dehálaš suorgi mainna LLH bargá, lea vuoigatvuođadiehtojuohkin.
Jus dus leat gažaldagat, jus don hálliidat digaštallat iežat ášši juristtain, dahje jus don dušše háliidat muitalit midjiide juoidá maid don leat
vásihan, de váldde oktavuođa minguin dán čujuhussii post(a)llh.no, dahje čuojat midjiide nummirii 23 10 39 39.